Kampioni evropian mbetet jashtë Botërorit, pëson nga Maqedonia e Veriut
BKT
Sport

Kampioni evropian mbetet jashtë Botërorit, pëson nga Maqedonia e Veriut

Maqedonia e Veriut e ka eliminaur Italinë, duke shkuar në finale ndaj Portugalisë për biletën që dërgon në Botërorin e Katarit.

Kampioni aktual i Evropës është mposhtur në play-off nga Maqedonia e Veriut në sekondat e fundit të ndeshjes.

 Pas golit të Trajkovskit në minutën e 90+ ëndrra italiane u shua.

Portugalia e ka mposhtur Turqinë me rezultat 3-1. Portugezët krijuan epërsi të dyfishtë në pjesën e parë më Otavion dhe Jotan që realizuan në minutat 15’ dhe 42’, kurse Nunes shënoi për 3-1 në minutat shtesë. Turqia provoi që ta përmbyste rezultatin në pjesën e dytë por nuk arritën që të shënonin më shumë se një gol deri në fund të ndeshjes. Burak Yilmaz realizoi në minutën e 65-të.

Uellsi nga ana tjetër e ka mposhtur Austrinë me rezultat 2-1 duke e eliminuar kështu nga ky kompeticion. Gareth Bale realizoi dy gola në minutat 26’ dhe 51, kurse për Austrinë goli erdhi nga Davies që në minutën e 65-të shënoi në portën e tij. Ndeshja tjetër, ajo ndërmjet Suedisë dhe Republikës së Çekisë ka shkuar në vazhdime pas barazimit pa gola brenda 90 minutave.