Gjukanoviq takon Lundberg, diskutojnë bashkëpunimin e Malit të Zi me OKB-në
Presidenti i Malit të Zi, Milo Gjukanoviq tha se pret që sa më shpejt formohet qeveria e re e Malit të Zi.
Ai thotë se me formimin e qeverisë së re të gjithë brenda sistemit qeverisës bëjnë punën e tyre, forcojnë bashkëpunimin me Kombet e Bashkuara dhe të vazhdojnë të përmbushin obligimet.
Gjukanoviq priti sot Koordinatorin e Përhershëm të OKB-së në Mal të Zi, Peter Lundberg, me të cilin, siç njoftoi Zyra e Presidentit malezez, “diskutoi bashkëpunimin ndërmjet Malit të Zi dhe OKB-së, si dhe çështjet aktuale të brendshme dhe rajonale”.
Sipas deklaratës, Gjukanoviq përsëriti përkushtimin e Malit të Zi ndaj OKB-së dhe Kartës së Kombeve të Bashkuara, si dhe përkushtimin e tij të përgjithshëm ndaj multilateralizmit, i cili u konfirmua nga takimet e fundit me Sekretarin e Përgjithshëm Guterres dhe nënsekretarin Di Carlo.
“Presidenti theksoi se Mali i Zi është shumë i përkushtuar për bashkëpunim me Zyrën dhe agjencitë e OKB-së në Podgoricë, duke theksuar se jemi në një periudhë shumë të rëndësishme të përcaktimit të Kornizës së 5-të Vjetore për Bashkëpunim 2023-2027, e cila kërkon kompetenca dhe institucione funksionale, dhe në frymë të këtij angazhimi, ai shprehu shpresën për zgjedhjen e shpejtë të një qeverie të re, në mënyrë që të gjithë në sistem të bëjnë punën e tyre, të forcojnë bashkëpunimin me OKB-në dhe të vazhdojnë të përmbushin detyrimet e tyre”, tha ai në një deklaratë.























