Superliga vjen këtë mesjave me kryederbin Gjilani-Drita
BKT
Sport

Superliga vjen këtë mesjave me kryederbin Gjilani-Drita

Fatmir Bytyqi /RTKlive.com

Elita e futbollit tonë, do të vazhdojë këtë mesjave me ndeshjet e xhiros së 32-të.

Kryederbi i kësaj mesjave luhet në Gjilan, ku përballen rivalet e këtij qyteti, Gjilani-Drita.

Edhe këtë herë sfida mes dy rivalëve të përbetuar, parashikohet të jetë e ‘nxehtë’ edhe pse gara për titull thuajse është e mbyllur me Ballkanin që i duhet vetëm edhe një pikë për të prekur titullin e kampionit, të parin në historinë e klubit nga Suhareka.

Ballkani titullin mund ta sigurojë këtë mesjave, ku do të ballafaqohet me Malishevën, në një ndeshje ku nikoqirët llogaritën favorit të paktën në letër, megjithëse, skuadra e Arsim Thaqit në Suhareka udhëton me ambicie për të marrë rezultat pozitive në garën për ekzistencën në Superligë.

Joshëse është dueli mes Drenicës dhe Llapit, si dhe përballjet Prishtina-Feronikeli dhe Dukagjini-Ulpiana.

Superliga/Java e 32-të

Takohen:

Gjilani-Drita

Ballkani-Malisheva

Drenica-Llapi

Prishtina-Feronikeli

Dukagjini-Ulpiana