Vazhdojnë homazhet për legjendën Xhevdet Peci (E plotësuar)
Fatmir Bytyqi /RTKLive
Peci vdiq më 9 maj në moshën 67 vjeçare në Shtetet Bashkuara të Amerikës, ku po qëndronte bashkë me familjen e tij
Konjufca: Lufta e Xhevdet Pecit përveç sportive ishte edhe luftë për rezistencë
Ai ka thënë se lufta që bënte Xhevdet Peci nuk ishte vetëm luftë sportive por edhe luftë për rezistencë.
I pari i Kuvendit të Kosovës shtoi se Peci po triumfonte dhe po e prezantonte Kosovën në një kohë kur vendi ynë po shtypej dhe po provohejë të pengohejë në çdo formë të mundshme.
Peci vdiq më 9 maj në moshën 67 vjeçare në Shtetet Bashkuara të Amerikës, ku po qëndronte bashkë me familjen e tij.
Varrimi i të ndjerit do të bëhet sot në ora 16:30 në fshatin Zhazhë të Komunës së Mitrovicës
Lamtumirë ikonë!
Peci i njohur më nofkën ‘Grushti i Hekurt’ vdiq tri ditë më parë. Peci konsiderohet ikona e boksit shqiptarë.
Njeriu, i cili ka fituar shumë tituj individual dhe ekipor, gjatë karrierës së tij, jo rrallëherë i ka bërë krenarë gjithë shqiptarët me paraqitjet e tij në ring.
Peci njihej për dorën e tij të majtë të fuqishme, të frikshme, e që shpeshherë kishte dridhur ish-Jugosllavinë me Prishtinën e gjeneratës së artë e cila për shumë vite kishte dominuar boksin e atij shteti që tashmë më nuk ekziston.
Peci bashkë me Mehmet Bogujevcin, Aziz Salihun, Nazif Gashin, Sami Buzollin, Afrim Majacin e shumë të tjetër për vite të tëra sillnin emocione, ndeznin fuqishëm atmosferën në Pallatin e Rinisë dhe Sporteve të stërmbushur nga tifozët e boksit kosovar.
Xhevdeti kishte arritur suksese të mëdha në aspektin individual dhe ekipor.
Xhevdet Peci fitoi këta tituj në karrierën e tij:
Katër herë kampion i ish-Jugosllavisë në konkurrencën individuale
Pesë herë kampion i ish-Jugosllavisë në konkurrencën ekipore
Dy herë Kampion Ballkanik
Nga vitit 1999 ai ishte kryetar e këshillit profesional së Federatës Boksit të Kosovës
Në vitin 2000, qyteti i Mitrovicës e zgjedh atë si sportistin e shekullit.
Homazhet për ish-boksierin Xhevdet Peci kanë nisur në orën 9:00 dhe do të zgjasin deri në orën 12:00.
Ndërkohë, sipas Federatës së Boksit të Kosovës, varrimi i të ndjerit do të bëhet në ora 16:30, në fshatin Zhazhë në Komunën e Mitrovicës.
Ndërkaq, me fillim nga ora 19:30 do të mbahet një mbledhje përkujtimore për ish-boksierin Xhevdet Peci, në Qendrën e Kulturës në Mitrovicë.























