LIVE në RTK-FIFA Trofeu e Kupa e Botës sot zbret në Kosovë
Foto: RTK
Sport

LIVE në RTK-FIFA Trofeu e Kupa e Botës sot zbret në Kosovë

Fatmir Bytyqi /RTKlive

Një nga ngjarjet më të mëdha në botën e futbollit, FIFA Trofeu e Kupa e Botës, sot zbret në Kosovë.

Ky trofe që po defilon në shumë vende të botës, pasditen e sotme do të prek edhe tokën e Kosovës.

Fansat e shumtë të lojës magjike, futbollit, kanë rastin që nga afër të jenë pjesë e kësaj ngjarje të madhe sportive.

Emocionet e kësaj ngjarje sportive, e parë e këtij lloji në vendin tonë, i sjellë Radio Televizioni i Kosovës (RTK).

Ky trofe do të vijë në kryeqytetin e Kosovës bashkë me ish-yllin brazilian Gilberto Silvan, dikur asi i klubit të madh anglez, Arsenal.

Padyshim kjo është ngjarja e vitit, ku të gjithë tifozët e futbollit bëhen një dhe jetojnë magjinë e futbollit në jetën reale.

RTK ceremoninë e ardhjes së trofeut do ta transmetojë drejtpërdrejt si dhe ka të drejtën ekskluzive të kësaj ngjarje të madhe sportive.

Ky eveniment i madh sportiv do të nis sot në orën 15:30.


Bast-Trade
AlbiMall
Eurokoha
Vjosa