Qindra të vdekur nga tërmeti në Afganistan
Rajoni dhe Bota

Qindra të vdekur nga tërmeti në Afganistan

REL

(E plotësuar ora 11:20) Një tërmet goditi mëngjesin e së mërkurës Afganistanin lindor, duke lënë të vdekur qindra persona, sipas informacioneve të para. Ende nuk dihet numri i saktë i viktimave dhe të plagosurve të tërmetit me magnitudë 6.1 ballë që goditi provincën Paktika.

Agjencia e lajmeve Associated Press (AP) raporton se sipas një zyrtari të emergjencave civile në Afganistan numri i viktimave arrin shifrën e 920 personave, ndërsa 600 mendohet të jenë të plagosurit.

 

 

Tërmet në Afganistan, mbi 250 viktima, qindra të lënduar 

 

 

Një tërmet goditi mëngjesin e së mërkurës, Afganistanin lindor, duke vrarë të paktën 255 persona, sipas informacioneve të para. Ende nuk dihet numri i saktë i viktimave dhe të plagosurve të tërmetit me magnitudë 6.1 ballë që goditi provincën Paktika.

Tërmeti, i cili goditi gjatë orëve të para të mëngjesit teksa shumë njerëz flinin - ishte një tërmet me thellësi rreth 51 km, sipas Shërbimit Gjeologjik të SHBA-së.

 

Agjencia shtetërore e lajmeve “Bakhtar” raportoi detajet dhe tha se ekipet e shpëtimit po mbërrinin me helikopter.

“Një tërmet i fortë tronditi katër rajone të provincës Paktika, duke vrarë dhe plagosur qindra bashkatdhetarë dhe duke shkatërruar dhjetëra shtëpi”, shkroi në Twitter Bilal Karimi, zëdhënës i qeverisë talibane. "Ne u bëjmë thirrje të gjitha agjencive të ndihmës së shpejtë që të dërgojnë ekipe në zonë menjëherë për të parandaluar katastrofën e mëtejshme."

Departamenti Meteorologjik i Pakistanit e vlerësoi tërmetin në magnitudën 6.1 ballë. Lëkundjet u ndjenë në kryeqytetin pakistanez, Islamabad, dhe gjetkë në provincën lindore të Punjabit.

Agjencia evropiane sizmologjike, EMSC, tha se lëkundjet e tërmetit u ndjenë mbi 500 kilometra nga më shumë se 119 milionë njerëz në të gjithë Afganistanin, në Pakistan dhe Indi.


Bast-Trade
AlbiMall
Eurokoha
Vjosa