13:54 / 28.06.2022
Macron: Sulmi në qendër tregtare është një krim lufte
Përktheu: Muharrem Miftari/RTKlive
Sulmi raketor i Rusisë në qendrën tregtare Kemençuk (Krementjuk) është një krim lufte, thotë presidenti francez Emanuel Makron (Emmanuel Macron).
Ai e tha këtë në samitin e G7 në Gjermani,njoftojnë mediet botërore.
“Pushtimi i Rusisë mbi Ukrainën është larg përfundimit, por rindërtimi është duke u zhvilluar”, shtoi ai.
Sipas Makronit, agresioni i Rusisë ka vetëm një qëllim - kapitullimin e Ukrainës.
“Askush nuk mendon se lufta do të përfundojë në javën apo muajin e ardhshëm”, thotë Macron, por ai shpreson që ajo të përfundojë deri në fund të vitit.























