Llapi mposhtet në Podgoricë nga Buducnost (E plotësuar)
Uran Krasniqi/RTKLive
Llapi ka pësuar humbje nga Buducnost në ndeshjen e parë të raundit kualifikues për Conference League.
Ndeshja e zhvilluar në Podgoricë është mbyllur me rezultat 2-0 në favor të vendasve.
Të dy golat llapjanët i kanë pësuar në pjesën e parë (Mijovic 23' dhe Ignjatovic 32' ), ndërsa nga minuta e 30-të ka mbetur me dhjetë lojtarë, pasi Bianor është përjashtuar nga ndeshja me karton të kuq.
Ndeshja e kthimit zhvillohet javën e ardhshme në Prishtinë.
Buducnost shton epërsinë ndaj Llapit
Buducnost e ka shtuar epërsinë ndaj Llapit. Rezultati ka shkuar në 2-0.
Ka qenë Ignjatovic i cili në minutën e 32-të ka realizuar golin e dytë për malazezët.
Llapi nga minuta e 30-të ka mbetur me dhjetë lojtarë, pasi Bianor është përjashtuar nga ndeshja me karton të kuq.
Nis ndeshja Buducnost - Llapi, vendasit e gjejnë golin
Buducnost ka realizuar ndaj Llapit në ndeshjen, e cila po zhvillohet në Podgoricë dhe e cila përket te Conference League.
Ka qenë minuta e 23-të kur Mijovic ka tundur rrjetën e klubit kosovar.

Buducnost – Llapi, formacionet
Buducnost dhe Llapi ndeshen sonte në kuadër të raundit të parë kualifikues të Conference League. Tashmë janë publikuar edhe formacionet.
























