08:55 / 30.07.2022
Chelsea godet Interin, synon dyshen e mbrojtjes
Fatmir Bytyqi /RTKlive
Klubi anglez, Chelsea është duke u përgatitur për të goditur klubin italian, Inter.
Sipas mediave britanike, ‘Blutë’ e Londrës janë të interesuar për dyshen e mbrojtës së internistëve Denzel Dumfries dhe Milan Skriniar.
Trajneri i Chelseat, Thomas Tuchel është duke kërkuar pasuesit e Antonio Rudiger dhe Andreas Christensen, të cilët iu bashkuan Real Madridit përkatësisht Barcelonës.
Denzel Dumfries dhe Milan Skriniar mësohet se janë dëshirat e strategut gjerman, edhe pse Skriniar prej kohësh duke u kërkuar nga gjiganti francez, PSG.
Londinezët janë duke u përgatitur që të nisin negociatat me Interin për transferimin e dyshes Dumfries-Skriniar.























