Premier League zbret në fushë, të gjithë në ndjekje të Cityt
Sport

Premier League zbret në fushë, të gjithë në ndjekje të Cityt

RTSH

Sezoni i ri i Premier League, 2022/2023 nis zyrtarisht me Crystal Palace-Arsenal (në orën 21:00).

Por a do të jetë edicioni më i mirë i Premier League në 20 vitet e fundit? Tundimi për t'iu përgjigjur po është i fortë. Është gjithmonë e vështirë të krahasosh vite të ndryshme dhe madje edhe situata të ndryshme emocionale, por mund të analizohen faktet dhe në fakt gjithçka nga ky këndvështrim do të çonte në një përgjigje pozitive për pyetjen. Janë forcuar të gjitha skuadrat kryesore, kanë ardhur kampionë të tjerë të jashtëzakonshëm dhe me rikthimin në top divizion të Nottingham Forest rritet edhe niveli sentimental dhe historik i turneut.

Ashtu si vitet e fundit, titullin do ta luajnë 3 qytete dhe 6 skuadra. E zakonshme, por lufta do të jetë edhe më e hapur dhe për këtë më emocionuese me padyshim që Liverpool dhe Manchester City janë në rreshtin e parë. I ndarë nga një pikë sezonin e kaluar dhe nga ai që tashmë është bërë rivaliteti i madh i futbollit anglez dhe atij evropian.

Guardiola, që i pëlqen të ndryshojë, qoftë edhe në fitore, për të mos u mërzitur, vendosi të kthehet në botën e vjetër pas disa vitesh dhe të nxjerrë një sulmues të parë të vërtetë. Nuk e kishte bërë që në vitet e Kun Agueros. E fshin pluhurin 9-shit real me blerjen e bujshme të Haaland. Një viking që duket si një hero i një videolojë moderne, norvegjezi kthehet në shtëpi sepse luajti kur ishte fëmijë me fanellën e Cityt, kur babai i tij ishte mesfushori i klubit dhe gjithashtu përballet me hapin më të lartë të ngjitjes së tij të pandalshme deri tani.

Nga Norvegjia në Austri, nga fanella e kombëtares në Bundesligë, pothuajse pa marrë frymë ai i dogji të gjithë me 175 gola në 220 ndeshje, por tani po bëhet më e ashpër. Ai do të përballet me mbrojtje dhe skuadra më të forta në një kontekst pasi fiziku i tij i jashtëzakonshëm do të jetë më pak shkatërrues.

Ai do të duhet të ketë përulësinë për t'iu bashkuar projektit të Guardiolës për t'u përmirësuar si lojtar në të gjitha nivelet dhe për të qenë pjesë e një konteksti që shpreh futboll të bukur dhe jo vetëm të përmirësojë statistikat e tij të shënimeve.

Një City që përveç tij ka marrë Phillips dhe Alvarez pasi ka përshëndetur Sterling dhe Fernandinho, pra një ekip edhe më i strukturuar në sulm dhe me mundësi ndryshimi të skemës në rrjedhën e lojës. Në Community Shield, siç mund të parashikohej, Pep rifilloi nga 4-3-3 me të cilin kishte përfunduar duke triumfuar sezonin e kaluar, por duke pasur parasysh të ardhurit, ai mund të ndryshonte lehtësisht atëherë për një 4-1-4-1 (më i përshtatshëm për të përmirësuar Phillips ) ose një 4-2-3-1.

Asnjë përmbysje taktike për Liverpool. Klopp nuk do të ndryshojë as pas zhgënjimit të pjesshëm në javën e fundit të sezonit të kaluar. Do të jetë 4-3-3 me futbollin e zakonshëm të bukur dhe vertikal, por me një risi thelbësore. Pa Manè që nënshkroi me Bayern dhe hapësirë ​​në qendër të sulmit për Darëin Nunez.

Për Reds është perfekte. Kjo do të lejojë Salah (që ka rinovuar për 3 vjet) dhe Diaz të lartësohen në krahë dhe ai të pushtojë zonën e penalltisë. Fizik si Haaland, më teknik dhe më i lëvizshëm se norvegjezi, sulmuesi uruguaian u shfaq mirë në Community Shield me një gol që tashmë i bën tifozët të ëndërrojnë.

Pas dyshes së zakonshme drejtuese qëndron Londra? Po, sepse alternativa e vërtetë ndaj favoritëve të detyrueshëm janë 3 klubet londineze me një lajm të madh, megjithatë, se qendra e gravitetit të kryeqytetit është zhvendosur në veri. Antonio Conte e ka transformuar Tottenhamin që nga ardhja e tij. Jo aq për mbrojtjen me 3 lojtarë që ai projektoi, por mbi të gjitha për mentalitetin dhe përgatitjen fizike të skuadrës që drejtonte.

Me të, Spurs mund të konsiderohen si forca e tretë në ligë. Nga merkato erdhi një alternativë e shkëlqyer për dyshen qendrore Hojbjerg-Bentancour me Bissouma, një qendër me përvojë që di të luajë mirë me tre. Në sulm, pavarësisht kufizimeve të karakterit të tij, Richarlison kushtoi 60 milionë, mund të jetë një shkëndijë shtesë për një nga dyshet sulmuese më të bukura, më të frytshme dhe më të përshtatshme në botën e futbollit, Kane-Son.

Është edhe Arsenal. Gabriel Jesus, qendërsulmuesi që i duhej dëshpërimisht pas apatisë përfundimtare të Aubameyang dhe “vdekjes” graduale të Lacazette. Një skuadër që ka bërë mirë gjatë fazës përgatitore dhe me objektivin e qartë, të rikthehet në katërshen e parë. Chelsea dhe Manchester United qëndrojnë më të distancuar, por surprizat në Premier League nuk kanë munguar në asnjë rast

CRYSTAL PALACE-ARSENAL

CRYSTAL PALACE (4-3-3): Guaita; Clyne, Andersen, Guehi, Mitchell; Schlupp, Eze, Doucoure; Ayeë, Edouard, Zaha. Trajner: Vieira.

ARSENAL (4-2-3-1): Ramsdale; Saliba, Gabriel, White, Zinchenko; Xhaka, Partey; Martinelli, Odegaard, Saka; Gabriel Jesus. Trajner: Arteta. 


APR
Romay Lift