22:24 / 05.08.2022
Bayern Munich e nis fuqishëm, shkatërron Eintracht-in
Fatmir Bytyqi /RTKlive
Bayern Munich e ka nisur fuqishëm sezonin e ri në Bundesligën gjermane.
Kampionët në fuqi të Gjermanisë, e kanë mposhtur bindshëm dhe lehtë në udhëtim Eintracht Frankfurt, me rezultat 1-6, në sfidën hapëse të edicionit të ri në elitën gjermane.
Kimich (5’), Pavarad (11’), Mane (29’), Musiala (35’, 83’), dhe Gnabry (43’), shënuan golat për fitoren e parë të ‘bavarezëve’ në sezonin e ri, derisa golin e nderit për skuadrën nikoqire e realizoi Muani (61’).
Fitorja dhe performanca e Bayern Munich në këtë duel është një sinjal i fuqishëm së gjiganti gjerman do ta ketë sërish fjalën kryesor në Bundesligë, ani pse është vetëm sfida e parë e këtij kampionati.























