18:54 / 24.08.2022
Malisheva mposht Ferizajn, Drenica e Gjilani ndahen baraz
Uran Krasniqi/RTKLive
Malisheva e ka mposhtur bindshëm Ferizajn në xhiron e tretë të Superligës së Kosovës në futboll.
Drenica dhe Gjilani nuk kanë shkuar më shumë se sa një barazim. Në qytetin e Skënderajt ndeshja përfundoi me rrjeta të paprekura.
Në "Liman Gegaj" malishevasit fituan me rezultat 3-1.
Shillova, Hazrollaj dhe Tolaj kanë realizuar për malishevasit. Goli i mysafirëve ka ardhur tek në minutat shtesë.
Kjo është fitorja e parë e Malishevës këtë edicion, pasiqë javën e kaluar pësoi në Gjilan nga klubi me të njëjtin emër.























