Prishtina përforcohet me mbrojtësin e Partizanit
BKT
Sport

Prishtina përforcohet me mbrojtësin e Partizanit

Uran Krasniqi/RTKLive

Egzon Belica është futbollisti më i ri i Prishtinës. Ka qenë vetë klubi kryeqytetas që e ka prezantuar futbollistin nga Maqedonia e Veriut, i cili vjen nga klubi i Partizanit të Tiranës.  

"Është nder dhe privilegj të jem pjesë e Prishtinës. Ky klub ka traditë dhe tifozëri të madhe. Tifozët janë pjesë e pandarë e ekipit. Premtimet jepen dhe duhet të mbahen. Jo vetëm unë, mirëpo e gjithë skuadra duhet dhënë 100 përqind nga vetja për arritjen e objektivave", ka thënë ai.

Belica në karrierën e tij ka luajtur edhe për Rabotniçkin, Ohrin dhe Shkëndijën e Tetovës në Maqedoninë Veriore, CS Concordia Chiajna në Rumani, Inter Turkun në Finlandë dhe Rigan në Letoni.