Mourinho e pranon: E menaxhuam keq ndeshjen
BKT
Sport

Mourinho e pranon: E menaxhuam keq ndeshjen

Fatmir Bytyqi /RTKlive

Trajneri i Romës, Jose Mourinho, thotë se skuadra e tij nuk e menaxhoi mirë lojën kundër Lecce, pavarësisht se ‘romakët’ fituan këtë sfidë (2-1).

Tekniku portugez pas ndeshjes tha se skuadra e tij nuk bëri paraqitje të mirë. Sipas tij, vërehej lodhja fizike dhe mendore të skuadra e tij pasi orari i ndeshjeve është shumë i ngjeshur.

“Kishte lodhje, fizike dhe mendore. Të enjtet dhe të dielat janë të vështira. Kur e shoh Udinesen dhe Atalantën, e kuptoj që nuk luajnë në mesjavë”, tha ai.

“Ne e filluam shumë mirë, me intensitet dhe ambicie të mëdha, por nuk ia dolëm mirë. Duhet të menaxhojmë më mirë lojën”, theksoi Mourinho.