11:20 / 16.10.2022
Istogu sot për hapin tjetër drejt kualifikimit, live në RTK
Artan Muhaxheri/RTK
Kampioni i Kosovës në hendboll KHF Istogu, sot e zhvillon duelin e dytë të rrethit kualifikues për EHF European Cup ndaj WHC Cair nga Shkupi.
Pas fitores të shtunën me rezultat 34-33, KHF Istogu synon për herë të tretë në histori të vet, kalimin e një rrethi kualifikues.
Në rast fitore apo barazimi, KHF Istogu kalon në raundin e 16 skuadrave më të mira dhe ky do të ishte një tjetër sukses i klubit kosovar.
Ndeshja KHF Istogu - WHC Cair, zhvillohet sot në orën 17:00 në Pallatin e Sporteve në Istog dhe transmetohet ekskluzivisht në RTK1.























