Të paktën tetë të vdekur pas rrëshqitjeve të dheut në ishullin Ischia
Rajoni dhe Bota

Të paktën tetë të vdekur pas rrëshqitjeve të dheut në ishullin Ischia

atsh

Të paktën tetë persona, duke përfshirë një foshnjë të porsalindur dhe dy fëmijë, janë vrarë në ishullin e Italisë jugore, Ischia, pas rrëshqitjes së dheut e shkaktuar nga shiu i rrëmbyeshëm, njoftoi dje në mbrëmje një zyrtar.

“Pesë persona janë raportuar të zhdukur”, tha prefekti i Napolit, Claudio Palomba në një konferencë për shtyp.

Një valë balte, mbeturinash dhe gurësh u shkëput nga mali më i lartë i ishullit të shtunën dhe u rrëzua mbi banesa dhe rrugë brenda dhe përreth qytetit të Casamicciola Terme.

Fotografitë dhe videot treguan ndërtesa të shkatërruara nga rrëshqitja e dheut dhe disa makina të zhytura në det.

Ischia është një ishull vullkanik i cili shtrihet rreth 30 km (19 milje) nga Napoli. Ishulli njihet për banjat termale dhe bregdetin piktoresk.

“Episodet e reshjeve të dendura po bëhen më të zakonshme dhe më intensive në kuadër të ndryshimeve klimatike, duke përkeqësuar rreziqet hidrogjeologjike në shumë pjesë të Italisë”, sipas ekspertëve.


MË SHUME NGA Rajoni dhe Bota