Rusia rifillon sulmet me raketa ndaj Ukrainës
Rajoni dhe Bota

Rusia rifillon sulmet me raketa ndaj Ukrainës

VoA

Të paktën dy persona u vranë dhe disa shtëpi u shkatërruan të hënën nga sulmet ruse me raketa në rajonin jugor të Zaporizhzhias në Ukrainë, tha Kyrylo Tymoshenko, zëvendës shefi i zyrës presidenciale.

Ai nuk dha detaje të mëtejshme për sulmet. Një zyrtar lokal tha se në periferi të qytetit të Zaporizhzhias ishin goditur ndërtesa dhe se forcat ukrainase kishin rrëzuar disa raketa ruse.

Guvernatori i rajonit të Kievit tha se mbrojtja ajrore po funksiononte.

Sirenat ajrore u dëgjuan në kryeqytetin Kiev dhe në të gjithë vendin duke bërë që banorët të shkonin në strehime mes një vale të re sulmesh ruse me raketa.

Pas humbjeve në fushën e betejës, forcat ruse kanë vënë në shënjestër gjithnjë e më shumë infrastrukturën energjetike të Ukrainës javët e fundit, duke shkaktuar ndërprerje të mëdha të energjisë në fillim të dimrit.


MË SHUME NGA Rajoni dhe Bota