17:50 / 30.12.2022
Osmani e Escobar diskutojnë për Kosovën
Besnik Iseni/Shkup/RTK
Ministri i Punëve të Jashtme të Maqedonisë së Veriut, Bujar Osmani, ka realizuar bisedë telefonike me Gabriel Escobar, Zëvendësndihmës Sekretarin e Shtetit dhe Përfaqësues Special i Shteteve të Bashkuara për Ballkanin Perëndimor.
Në këtë bisedë, mes tjerash, është folur edhe rreth situatës në veri të Kosovës, si një çështje e rëndësishme me ndikim më të gjerë në rajon.
Bashkëbiseduesit kanë rikonfirmuar mbështetjen e tyre për vazhdimin e dialogut ndërmjet Kosovës dhe Serbisë.
Ata kanë bërë thirrje për aktivitete për de-eskalimin e situatës, tërheqjen e barrikadave dhe sigurimin e kushteve për sundimin e ligjit.
























