17:25 / 20.01.2023
Arsenal transferon reprezentuesin belg
Uran Krasniqi/RTKLive
Arsenal ka njoftuar se i është bashkuar reprezentuesi belg që luante te Brighton & Hove Albion, Leandro Trossard.
Sipas njoftimit zyrtar nga klubi, bëhet fjalë për një kontratë afatgjatë.
"Jam shumë i emocionuar për të filluar. Ky është një klub i madh dhe unë jam gati t'u tregoj tifozëve se çfarë mund të bëj. Të gjithë e kanë parë se sa mirë po ecim tashmë dhe unë jam këtu për të ndihmuar", ka thënë futbollisti.
Nga viti 2019 ai bëri 121 paraqitje për Brighton & Hove Albion. Deri më tani këtë sezon reprezentuesi belg ka shënuar shtatë gola në gjashtëmbëdhjetë ndeshje të Premierligës.
Njëzet e tetë vjeçari ka bërë njëzet e katër paraqitje për Belgjikën dhe ishte pjesë e skuadrës për Botërorin e fundit 2022 në Katar.























