00:00 / 27.01.2023
Real mposht Atleticon dhe shkon në gjysëmfinale
Uran Krasniqi/RTKLive
Real Madrid tashmë është në gjysëmfinale të Kupës së Mbretit.
Kjo pasi mposhtën me përmbysje 3:1 Atletico Madridin, në një ndeshje ku u deshën shtesat për ta sqaruar fituesin.
Atletico shkoi në pushim në epërsi me golin e Alvaro Moratas.
Rezultatin e barazoi Rodrygo në mënyrë maestrale, në minutën e 80-të.
Në vazhdime, në minutën e 104-të Real Madridi realizoi nëpërmjet Karim Benzemas.
Në fund të ndeshjes, Reali arriti të shënonte edhe golin e tretë me brazilianin Vinicius në 120+1.
Tash dihen edhe skuadrat e tjera gjysmëfinaliste. Athletico Bilbao ka mposhtur sonte Valencian. Barcelona dhe Osasuna janë kualifikuar mbrëmë.























