IOC dhe UEFA ofrojnë ndihmë pas tërmetit në Turqi dhe Siri
BKT
Sport

IOC dhe UEFA ofrojnë ndihmë pas tërmetit në Turqi dhe Siri

ATSH

Komiteti Olimpik Ndërkombëtar (IOC) dhe organi evropian i futbollit UEFA janë ndër federatat sportive që kanë ofruar ndihmë financiare për të prekurit nga tërmeti në Turqi dhe Siri.

IOC tha sot se Lëvizja Olimpike do të dhurojë 1 milion € për të ndihmuar komunitetin Olimpik në zonën e prekur nga tërmeti i së hënës, të cilat kanë shkaktuar mbi 22 000 të vdekur.

“Me pikëllim të madh mësuam për humbjen tragjike të jetëve dhe shkatërrimin e shkaktuar nga tërmeti që ka goditur rajonin juglindor të Turqisë dhe Sirisë”, tha presidenti i IOC-së, Bach.

“Për fat të keq, në mesin e viktimave janë sportistë dhe anëtarë të komunitetit Olimpik, ndërsa shumë të tjerë kanë humbur banesat e tyre dhe infrastruktura sportive është dëmtuar rëndë”, shtoi ai.

UEFA tha se do të ofronte 200,000 € (161,000 dollarë), 150,000 € për Federatën Turke të Futbollit dhe 50,000 € nëpërmjet Fondacionit të saj për Fëmijët për dy organizata joqeveritare në vijën e parë të ndihmës.

UEFA tha se po shqyrtonte gjithashtu mbledhjen e fondeve shtesë per finalen e Ligës së Kampionëve në Stamboll.