15:24 / 15.03.2023
Zgjaten kufizimet e udhëtimit për zyrtarët rusë
ATSH-DPA
Zyrtarët rusë ka të ngjarë të jenë subjekt i kufizimeve të udhëtimeve gjithnjë e më të rënda, njoftuan sot shërbimet sekrete britanike.
“Ekziston një mundësi realiste që kufizimet e udhëtimeve do të forcohen për një numër në rritje të punonjësve të sektorit publik”, tha Ministria britanike e Mbrojtjes në përditësimin e saj të fundit për luftën në Ukrainë.
“Masat synojnë të parandalojnë ikjen ose largimin e zyrtarëve gjithnjë e më të pakënaqur”, shtoi ajo.
Kufizimet e udhëtimit për zyrtarët shtetërorë ekzistonin në kohën sovjetike dhe u shtrënguan pas aneksimit të gadishullit ukrainas të Krimesë, në vitin 2014.
Masat janë zgjeruar që nga pushtimi i plotë i Ukrainës nga Rusia në shkurt 2022.























