20:30 / 08.04.2023
City ‘rrëzon’ Southamptonin, shkëlqen Haaland
Fatmir Bytyqi /RTKlive
Manchester City ka marrë edhe tri pikë tejet të rëndësishme në garën për titull të kampionit në Premier League.
Kampionët në fuqi mposhtën në udhëtim Southamptonin, me rezultat 1-4, të shtunën në kuadër të javës së javës së 29-të në elitën e futbollit anglez.
Në këtë sfidë të dominuar nga të besuarit e Pep Guardiolës, shkëlqeu norvegjezi Haaland, i cili shënoi dygolësh në minutën e 45-të dhe 68-të, derisa nga një gol për Cityn realizuan edhe Grealish (58’) dhe Alvarez (75’), derisa golin e nderit për nikoqirët e realizoi Mara (72’).
Pas kësaj fitore, City 67 pikë në vendin e dytë, pesë me pak se lideri i tabelës, Arsenal që nesër përballet me Liverpoolin, kurse, Southampton është e fundit me vetëm 23 pikë të tubuara.























