Të dhëna sekrete rreth luftës në Ukrainë po qarkullojnë rrjetet sociale
BKT
Rajoni dhe Bota

Të dhëna sekrete rreth luftës në Ukrainë po qarkullojnë rrjetet sociale

RTK

Dokumente të klasifikuara të Departamentit Amerikan të Mbrojtjes, të dhëna, harta, grafika dhe fotografi që kanë të bëjnë me luftën në Ukrainë po qarkullojnë nëpër rrjetet sociale.

Ditët e fundit, në faqet e mediave sociale janë gjetur pamje nga ekranet e atyre që duket se janë informacione të klasifikuara ushtarake të SHBA-së dhe NATO-s për Ukrainën. Materialet përmbajnë forcën ushtarake ukrainase dhe konfigurime armësh, harta të fushëbetejës, shifra viktimash nga të dyja palët, madje edhe inteligjencë të shënuar si top sekret.

Të enjten, The New York Times raportoi se dikush kohët e fundit ka ngarkuar një numër dokumentesh sekrete ushtarake, ndoshta më shumë se 100, në disa faqe të rrjeteve sociale dhe dokumente që kanë lidhje me Lindjen e Mesme janë shfaqur gjithashtu në internet.

Dokumentet e zbuluara, nëse vërtetohen të jenë të vërteta, do të tregojnë se SHBA është më e përfshirë në konflikt dhe më shumë mbështetëse për dhënien e inteligjencës Ukrainës sesa dihej më parë, sipas gazetës.

Disa dokumente janë ende në qarkullim, pavarësisht nga përpjekjet e qeverisë amerikane për t'i fshirë ato.

Disa nga dokumentet janë foto të hartave të fushëbetejës, me etiketime të detajuara dhe data të ndryshme.

Dokumentet e tjera përmbajnë informacione për trajnimin e trupave dhe dërgesat e armëve për Ukrainën, si dhe shkallën e konsumit të municioneve ukrainase.

Një dokument, i shënuar top sekret, thotë se 16,000 deri në 17,500 ushtarë rusë ishin vrarë ndërsa Ukraina kishte pësuar mbi 71,000 vdekje të trupave deri më 1 mars. Pentagoni ka vlerësuar se

Rusia ka pësuar shumë më tepër viktima, megjithatë, me afro 200,000 të vrarë dhe të plagosur, ndërsa Ukraina ka pasur më shumë se 100,000 të vrarë dhe të plagosur.

Pentagoni ka nisur një hetim mbi dokumentet e zbuluara.


MË SHUME NGA Rajoni dhe Bota