Përfundon para kohe sezoni për portierin e Dritës
Uran Krasniqi / RTKLive
Portieri i Dritës, Faton Maloku, nuk do të mund të aktivizohet në ndeshje futbolli gjatë këtij edicioni. Klubi gjilanas ka njoftuar se për gardianin e saj ka përfunduar sezoni.
"Përfundon sezona për gardianin tonë, Faton Maloku. Portieri ynë, Faton Maloku ka përfunduar sezonën pas lëndimit në ndeshjen e fundit kundër Trepçës 89'. Ekzaminimet e fundit kanë treguar që Maloku ka këputur ligamentin ACL dhe do të jetë jashtë fushës për një kohë të gjatë. Javën që vjen pritet që Fatoni t'i nënshtrohet operimit. Klubi i dëshiron suksese në operim dhe rikuperim sa më të shpejtë. Forca FATON, të presim edhe më të fortë", ka njoftuar Drita.
Aktualisht Drita po e kryeson Superligën e Kosovës me pesëdhjetë e gjashtë pikë, e pasuar nga Ballkani me pesëdhjetë e pesë pikë.























