Inzaghi: Gjysmëfinalja një ëndërr për tu jetuar, derbi një stimul shtesë
BKT
Sport

Inzaghi: Gjysmëfinalja një ëndërr për tu jetuar, derbi një stimul shtesë

RTSH

Simone Inzaghi shijon arritjen e një objektivi të jashtëzakonshëm, pasi eliminoi Benfikën në çerekfinale të Ligës së Kampionëve dhe arriti Milanin në gjysmëfinale:

"Lumturi e madhe, është një mbrëmje e rëndësishme për të gjithë Interin - fjalët e trajnerit nga Interi - Ne luajtëm një lojë të mrekullueshme dhe e merituam në ndeshjen me dy raunde kundër një ekipi cilësor, i cili kishte humbur vetëm 2 ndeshje para se të takohej me ne. Është një gjysmëfinale e merituar, ishte një ëndërr, por tani ne jemi këtu dhe do e jetojmë. Jam i lumtur për djemtë, për përparimin që kanë bërë. Ne e nisëm nga një grup shumë i vështirë, por ia dolëm mirë, të bashkuar me tifozët tanë, sërish të jashtëzakonshëm sonte. Le të rijetojmë mbrëmjet që ky ekip nuk i kishte pasur për kaq shumë vite”.

Për mikrofonat e Sky Sport, më pas një koment për Milanin, kundërshtarin e radhës: “Ta kesh përballë është një qëllim i madh, derbi do të jetë një stimul shtesë”.

Inzaghi foli edhe për kritikat që ka marrë javët e fundit për rezultatet negative në kampionat: “Ndonjëherë përshtaten, herë sugjerohen... Unë kam shumë vite në këtë botë dhe e di si shkon, por jam i përqendruar në mbrëmje si këto”.

Më pas diskutimi kaloi në fushë, te golat e pësuar në finale dhe te drejtimi i sulmuesve: “Në golin e parë Antonio Silva ishte shumë i zoti, ndërsa te i dyti lojtarët më thanë se dëgjuan një fishkëllimë, menduan se kishte mbaruar. Synimi është që të kemi në dispozicion të katër sulmuesit, të cilët po bëjnë mirë dhe kjo ka ndodhur vetëm në muajin e fundit. Kalendari është i ngjeshur me gjysmëfinalet e Champions League dhe Kupën e Italisë, të gjithë më duhen”.