18:48 / 20.04.2023
Juventusi i kthehen pesëmbëdhjetë pikët e hequra
Uran Krasniqi / RTKLive
Juventus do të mund të jetë pjesë Champions League edicionin e ardhshëm.
Gjykata e Apelit e FIGC ka vendosur që skuadrës së Juventusit t'i pezullohet dënimi dhe t'i kthehen pesëmbëdhjetë pikët e marra.
Juve ishte dënuar më herët nga Gjykata pranë Federatës Italiane të Futbollit pas pretendimeve për shkelje gjatë transferimeve. Klubi nuk ishte dorëzuar dhe ishte ankuar.
Gjykata e Apelit ka folur sot.
Tash kur kanë mbetur tetë ndeshje në këtë sezon në Serie A, vendimi i sotëm e ngre Juventusin nga vendi i shtatë në të tretin në tabelë, me pesëdhjetë e nëntë pikë, gjashtëmbëdhjetë prapa liderit, Napolit.























