G7 në mbështetje të Ukrainës
Dardan Ramabaja / RTK
Udhëheqësit e demokracive më të pasura të botës thanë të dielën se nuk do të tërhiqen nga mbështetja e Ukrainës, në një paralajmërim drejtuar presidentit rus, Vladimir Putin, teksa ai pretendonte se kishte marrë qytetin lindor të Bakhmut, diçka që Kievi e mohoi.
Samiti i Grupit G7 në qytetin japonez të Hiroshimës u elektrizua këtë fundjavë nga arritja e presidentit ukrainas Volodymyr Zelensky, i cili shkoi atje me një aeroplan të qeverisë franceze që të shtunën për të kërkuar mbështetje më të madhe kundër pushtimit rus.
Gjatë ditës së fundit të samitit treditor të G7, presidenti i SHBA Joe Biden paralajmëroi ndihmë të mëtejshme ushtarake duke shtuar se integriteti dhe sovraniteti i Ukrainës janë të pa negociushme.
"Sot po njoftoj këstin e ardhshëm të sistemeve të sigurisë amerikane në Ukrainë. Një paketë që përfshin më shumë municion, artileri, automjete të blinduara për të forcuar aftësitë e Ukrainës në fushën e betejës ku Shtetet e Bashkuara do të vazhdojnë të ndihmojnë Ukrainën të përgjigjet, të rimëkëmbet dhe të rindërtohet ", tha presidenti amerikan, Biden.
Ai u tha udhëheqësve të G7-ës se Uashingtoni mbështet programet e përbashkëta të trajnimit aleat për pilotët ukrainas në aeroplanët luftarakë F-16. Edhe udhëheqësit të tjerë të G7 - Shtetet e Bashkuara, Japonia, Gjermania, Britania, Franca, Italia dhe Kanadaja, kanë premtuar mbështetje për Ukrainën.
Potenciali për një trajnim të tillë në F-16 të prodhuar në SHBA ishte një mesazh për Rusinë se nuk duhet të presë të ketë sukses në pushtimin e saj duke zgjatur konfliktin, tha kancelari gjerman Olaf Scholz.
Kryeministri britanik Rishi Sunak tha se trajnimi do të fillonte këtë verë dhe Ukraina do të merrte forcat ajrore që i nevojiteshin për të ardhmen.
Ishte "e rëndësishme" që vendet e G7 treguan solidaritet në synimin e tyre për të mbështetur ligjin dhe rendin ndërkombëtar gjatë një samiti ku mori pjesë Zelenskiy si mysafir, tha kryeministri i vendit pritës të Japonisë, Fumio Kishida.
Edhe presidenti francez Emmanuel Macron dukej se qëndronin me Ukrainën në kundërshtimin e çdo nocioni që lufta të shndërrohej në një "konflikt të ngrirë", ose çdo propozimi për bisedime paqeje pa tërheqjen e trupave ruse.
Kryeministri kanadez Justin Trudeau premtoi se vendi i tij do të mbështesë Ukrainën për aq kohë sa të jetë e nevojshme. Samiti i Hiroshimës i dha gjithashtu Zelenskyt një shans për të lobuar për mbështetje nga pjesëmarrësit e tjerë, si kryeministri indian Narendra Modi dhe presidenti brazilian i Brazilit Luiz Inacio Lula da Silva, të cilët kanë mbetur të paangazhuar.
Gjatë një takimi midis Biden dhe Zelinskiy, presidenti i SHBA tha se Shtetet e Bashkuara po bëjnë gjithçka që munden për të forcuar mbrojtjen e Ukrainës kundër Rusisë.























