Miting pro Europës në Moldavi, kërkohet anëtarësimi në BE
BKT
Rajoni dhe Bota

Miting pro Europës në Moldavi, kërkohet anëtarësimi në BE

RTSH

Rreth 75 mijë persona kanë marrë pjesë në një miting pro Europës që u mbajt në qytetin Kishinau të Moldavisë dhe i cili ishte organizuar nga presidentja e vendit Maja Sandu.

Qeveria pro perëndimore e Sandu ka akuzuar Rusinë për përshkallëzim tensionesh përmes mbështetjes që i jep partisë opozitare pro ruse Sor.

Moska ndërkohë mohon se ka ndërhyrë në çështjet e brendshme të Moldavisë. Zonja Sandu iu tha të pranishmëve në protestë se vendi i saj nuk dëshironte të ishte i veçuar.

Nuk duam të jemi më në rrethanat e Europës, u shpreh ajo, duke u zotuar se vendi do të bëhej anëtar i BE-së deri në vitin 2030.

Moldavia nuk do të shantazhohet nga Kremlini, vijoi Sandu në fjalimin për të pranishmit në protestë, të cilët valëvisnin flamuj të BE-së dhe lëshuan sloganë pro Europës.

Në muajin shkurt të këtij viti, presidentja Sandu akuzoi Rusinë se kishte komplotuar të përdorte sabotatorë të huaj, siç u shpreh ajo, për të rrëzuar qeverinë e saj.  Sipas saj, në komplot do të përfshiheshin protesta të mbajtura nga e ashtuquajtura opozitë që synonin rrëzimin e rendit kushtetues. 

Ministria e jashtme ruse i hodhi poshtë akuzat, duke i quajtur të pabaza.  Moldavia, një ish republikë sovjetike, që ka një popullsi prej rreth 2.6 milionë banorësh aplikoi vitin e shkuar për t’iu bashkuar BE-së dhe në qershor të 2022-it, mori statusin e vendit kandidat, sëbashku me Ukrainën.

Pushtimi rus i Ukrainës ndikoi në përshpejtimin e përpjekjeve të të dy vendeve për t’iu bashkuar bllokut me 27 anëtarë.  Moldavia është prekur nga lufta, ku në shumë raste raketa ruse kanë kaluar në hapësirën e saj ajore me destinacion Ukrainën.

Vendi, i cili shtrihet mes Ukrainës dhe Rumanisë, është gjithashtu i varur nga gazi rus, një fakt ky që Moska e ka shfrytëzuar.

Vitin e shkuar Rusia reduktoi ndjeshëm dërgesat e gazit në Moldavi. Kjo çoi në protesta mbi çmimet e rritura të gazit dhe energjise elektrike të cilat kontribuan në dorëheqjen në fillim të këtij viti të ish kryeministres Natalia Gavrilita.

Ndërkohë në mitingun pro europës, foli edhe presidentja e Parlamentit Europian Roberta Metsola, e cila vlerësoi qytetarët Moldavë për sfidimin e kërcënimeve ruse.


MË SHUME NGA Rajoni dhe Bota