Një person  është arrestuar pasi hapi derën e urgjencës në një fluturim me Asiana Airlines, teksa po ateronte në Korenë e Jugut.

Të gjithë 194 pasagjerët i mbijetuan fluturimit, kurse avioni  u ul të premten i sigurt në Aeroportin Ndërkombëtar Daegu, por me derën e hapur.

Të paktën gjysma e pasagjerëve kishin probleme me frymëmarrje dhe u dërguan në spital, citon BBC, mediat lokale.

Burri, rreth të 30-ave, u arrestua pas uljes së avionit,  raportoi agjencia e lajmeve Yonhap.

Fluturimi OZ8124 ishte nisur nga ishulli Jeju të premten në mëngjes sipas  kohës lokale.

Dera e avionit u hap pak para aterimit  rreth orës 12:45 me orën lokale (03:45 GMT), raportuan mediat koreano-jugore.

Një video e pasagjerëve e shpërndarë në mediat sociale tregon boshllëkun në  avion dhe erërat që godasin rreshtat e pasagjerëve të ulur.

Disa nxënës, gjithashtu  kishin qenë në aeroplan në rrugën e tyre për në një ngjarje sportive të fundjavës.

Prindi i njërit prej nxënësve i tha agjencisë së lajmeve  Yonhap: “Fëmijët po dridheshin, qanin dhe ishin të frikësuar”.

Asiana Airlines tha se policia ka nisur një hetim të plotë.