18:12 / 03.08.2023
Mevlan Zeka i bashkohet Suharekës
Uran Krasniqi/RTKLive
Mevlan Zeka ka vendosur që karrierën ta vazhdojë te Suhareka. Ka qenë klubi që ka njoftuar për arritjen e marrëveshjes të enjten.
"Ju njoftojmë që skuadra jonë është përforcuar me super sulmuesin Mevlan Zeka, i cili përkundër shumë ofertave dhe thirrjeve zgjodhi ta përfaqësojë Suharekën për të arritur objektivat madhore të klubit", ka njoftuar klubi suharekas.
Zeka që së fundmi ishte pjesë e Gjilanit, më herët ka bërë karrierë edhe te Feronikeli e Ballkani.
Suhareka garon në Ligën e parë të Kosovës.























