18:11 / 02.09.2023
City shënon fitoren e katërt radhazi në Premier League
Uran Krasniqi/RTKLive
Manchester City ka vazhduar me ecje të mirë në sezonin e ri të Premier League duke arritur fitore me lehtësi kundër Fulhamit në ndeshjen e sotme.
Përballja e sotme në "Etihad Stadium" është mbyllur me rezultat 5-1 në favor të skuadrës së drejtuar nga Pep Guardiola.
Norvegjezi Erling Haaland ka qenë kontributdhënësi më i madh për fitoren, duke shënuar tri herë dhe duke asistuar një herë.
Alvarez (31') Ake (45+5') Haaland (58', 70', 90+5') kanë realizuar për Cityn, derisa golin e vetëm për mysafirët e ka realizuar Ream në minutën e tridhjetë e tretë.
Pas katër ndeshjesh të zhvilluara City e kryeson tabelën me dymbëdhjetë pikë.























