17:08 / 03.09.2023
Korenica prezantohet te klubi turk
Uran Krasniqi/RTKLive
Skuadra turke Manisa Futbol Kulubu ka prezantuar futbollistin kosovar, Meriton Korenica.
"Klubi ynë ka nënshkruar kontratë dy plus një vjeçare me sulmuesin kosovar Meriton Korenica nga skuadra e Superligës së Kosovës, FC Ballkani", ka njoftuar skuadra turke.
Manisa është skuadër që garon në nivelin e dytë të futbollit turk, po që aspiron inkuadrimin në elitë.
Paraprakisht Korenica me anë të një postimi në Facebook ka folur për transferimin.
"Falenderim nga zemra për klubin e FC Ballkanit, tifozët dhe qytetin e Suharekës. Është emocion i madh të shkruash për një ndarje, emocion akoma më i madh është kur nga ky klub po realizoj një ëndërr që shpresoj ta jetësoj deri në fund të karrierës time", ka thënë ai.























