Izrael: Krijohen modele të plota të embrioneve njerëzore
Përgatiti: Hanife Osmani/RTKlive
Një grup shkencëtarësh izraelitë kanë arritur të krijojnë modele të plota të embrioneve njerëzore nga qelizat burimore të kultivuara vetëm nëpërmjet laboratorit, pa vezë apo qeliza të njeriut.
Ekipi i shkencëtarëve hulumtues izraelit kryesuar nga Prof. Jacob Hanna në Institutin e Shkencës në Weizmann kanë arritur të krijojnë modele të plota të embrioneve njerëzore nga qelizat burimore të kultivuara vetëm nëpërmjet laboratorit, pa vezë apo spermë të njeriut. Ata kanë menaxhuar t’i rrisin ato pa asnjë problem jashtë mitrës deri në ditën e 14-të.
Siç është raportuar në Nature, këto modele embrionesh sintetike kishin të gjitha strukturat dhe ndarjet karakteristike të kësaj faze, duke përfshirë placentën, qesen e verdhë vezë, qeskën korionike dhe inde të tjera të jashtme që sigurojnë rritjen dinamike dhe adekuate të modeleve.
"Drama është në muajin e parë, tetë muajt e mbetur të shtatzënisë janë kryesisht shumë rritje," thotë Hanna.
“Por ai muaj i parë është ende kryesisht një kuti e zezë. Modeli ynë i embrionit njerëzor me prejardhje nga qelizat burimore ofron një mënyrë etike dhe të arritshme për të parë në këtë kuti. Ai imiton nga afër zhvillimin e një embrioni të vërtetë njerëzor, veçanërisht shfaqjen e arkitekturës së tij jashtëzakonisht të shkëlqyer”.























