Shkëlqen Nora, e artë në Baku
BKT
Sport

Shkëlqen Nora, e artë në Baku

F.Bytyqi/RTKLive

(E plotësuar) Xhudistja kosovare Nora Gjakova ka shkëlqyer në “Grand Slam-in e Baku-s në Azerbajxhan.

Nora e mposhti në finale gjeorgjianen Eteri Liparteliani në kategorinë deri në 57 kilogramë duke fituar medaljen e artë.

Pas Distria Krasniqit që fitojë medaljen e argjendtë, është Nora që prek majat e këtij turneu të madh të xhudos.

Nora në duelin finale tregojë formë mjaft të mirë duke mundur gjeorgjianen dhe duke ia siguruar Kosovës medaljen e artë.

Distria Krasniqi e argjendtë në Baku

(E plotësuar) Xhudistja kosovare Distria Krasniqi ka fituar medaljen e argjendtë në Grand Slamin e xhudos, që po mbahet në Baku të Azerbajxhanit.

Distria u mund në finale nga japonezja, Kisumi Omori, duel ky i zhvilluar në  kategorinë 52 kilogramë.

Ndërkohë, finalen e madhe të këtij turneu e ka siguruar edhe Nora Gjakova.

Pas Distrisë, edhe Nora në finalen e madhe të Baku-s

(E plotësuar) Pas Distria Krasniqit, është Nora Gjakova një tjetër xhudiste e njohur e Kosovës, që ka siguruar finalen e madhe të Grand Slamit që po mbahet në Baku të Azerbajxhanit.

Gjakova mposhti turken Hasres Bozkurt, në kategorinë deri në 57 kilogramë. Nora Gjakova dhe Distria Krasniqi tashmë i kanë siguruar medalje Kosovës, dhe janë në rrugë të mirë që nga ky turne i madh i xhudos të kthehen me medalje të artë.

Krasniqi në finale, Gjakova në gjysmëfinalen e Grand Prix të Baku-s

Xhudistja kosovare Distria Krasniqi ka siguruar medalje në Grand Prixit të Azerbajxhanit.

Distria është kualifikuar në finalen e madhe të këtij turneu pasi në gjysmëfinalen mundi italianen Giuffrida, në kategorinë deri në 52 kilogramë.

Xhudistja jonë është treguar më e mirë se garuesja italiane duke prekur finalen e këtij eventi të madh të xhudos.

Ndërkaq, në gjysmëfinale është kualifikuar edhe Nora Gjakova, e cila do të ballafaqohet me Hasret Bozkurt, në kategorinë deri në 57 kilogramë.