Kosova mposht Andorrën dhe merr fitoren e parë
Uran Krasniqi / RTKLive
Kosova ka arritur ta marrë fitoren e parë në fushatën e kualifikimeve për Euro 2024.
Kjo pasi në ndeshjen e të enjtës e ka mposhtur Andorrën me rezultat 3-0.
Kosovarët e kanë dominuar ndeshjen në kuptim të të gjitha statistikave, si në pjesën e parë ashtu edhe në të dytën.
Ka qenë Rashica ai i cili e ka hapur serinë e golave. Në minutën e njëzet e gjashtë një top i ardhur nga Florent Muslija ka kaluar në pronësi të vushtrriasit i cili e ka dërguar drejt rrjetës. Kjo ka bërë që Kosova të shkojë në pushim me epërsi.
Pastaj në pjesën e dytë skuadra e drejtuar nga primoz Gliha e ka gjetur rrjetën edhe dy herë.
Rashica ka shënuar edhe një herë në minutën e shtatë dhjetë e një dhe Zeqiri në minutën e tetëdhjetë e tetë.
Pas kësaj fitore Kosova që ka grumbulluar shtatë pikë gjendet në vendin e katërt në tabelën e grupit që kryesohet nga Zvicra me katërmbëdhjetë pikë.
Ndeshja e ardhshme e Kosovës do të duhej të zhvillohej pas tri ditësh me Izraelin, por është shtyrë pas situatës së krijuar në Lindjen e Mesme, ku Hamas dhe shteti izraelit kanë rinisur luftën.
Kosova shkon në pushim me epërsi
Kosova e ka mbyllur pjesën e parë me avantazh kundër Andorrës.
Ka qenë Milot Rashica, ai i cili e ka kaluar në epërsi skuadrën e drejtuar nga Primoz Gliha.
Në minutën e njëzet e gjashtë një top i ardhur nga Florent Muslija ka kaluar në pronësi të Milot Rashicës i cili e ka dërguar drejt rrjetës.
Sidoqoftë ka edhe shumë minuta lojë dhe asgjë nuk ka përfunduar sa i takon ndeshjes.
Nis ndeshja Andorra - Kosova
Ka nisur ndeshja Andorra - Kosova, e vlefshme për kualifikimet e Euro 2024.
Në Grupin që kryesohet nga Zvicra, Kosova gjendet në pozitën e pestë, ku në gjashtë ndeshje ka barazuar katër herë dhe ka humbur dy herë, si dhe nuk ka fituar asnjëherë. Andorra gjendet në pozitën e fundit në tabelë, me dy barazime dhe katër humbje nga gjashtë ndeshje.
Andorra - Kosova, formacionet
Andorra dhe Kosova ndeshen sonte në një përballje të vlefshme për Euro 2024. Tashmë janë publikuar edhe formacionet zyrtare.























