Suedia i kërkon Iranit pjesëmarrje në gjyqin ndaj Johan Floderusit
BKT
Foto: Amir Abbas Ghasemi/Mizan/AFP/TT
Rajoni dhe Bota

Suedia i kërkon Iranit pjesëmarrje në gjyqin ndaj Johan Floderusit

Përgatiti: M.Miftari/RTKlive

Suedia po kërkon përgjigje nga Irani se pse askush nga ambasada suedeze nuk u lejua të hynte, kur filloi gjyqi kundër zyrtarit të BE-së, Johan Floderus.

“Prioriteti ynë kryesor tani është të sigurojmë që një personi nga ambasada suedeze t'i jepet e drejta për të marrë pjesë në gjyq. Vlen të përsëritet edhe një herë se ne i konsiderojmë të gjitha akuzat si krejtësisht të pabaza dhe të pasakta”, deklaroi para medieve ministri i Jashtëm suedez, Tobias Billström, transmeton RTKlive.

Nëse Suedia mund të imagjinojë një shkëmbim të mundshëm të të burgosurve me Iranin nëse Floderus do të dënohej, ai nuk dëshiron të diskutojë në këtë çështje.

“Në këtë situatë, nuk do të diskutoj asnjë pyetje hipotetike. Gjëja e rëndësishme në këtë situatë është të ruhen interesat e Johan Floderusit”, tha Billström.

Johan Floderus, 33-vjeç, akuzohet në Iran për “masa kundër sigurisë së vendit, aktivitete të gjera të inteligjencës me regjimin sionist dhe korrupsion në tokë.”


MË SHUME NGA Rajoni dhe Bota