21:18 / 16.12.2023
Atletico Madrid pëson nga Athletic Bilbao
Uran Krasniqi/RTKLive
Athletic Bilbao ka dëshmuar se nuk bën kompromis kur luan në terrenin vendas.
Në ndeshjen e xhiros së shtatëmbëdhjetë në La Liga, skuadra e drejtuar nga Ernesto Valverde ka fituar ndaj Atletico Madrid.
Ndeshja e zhvilluar në "San Mames Barria" është mbyllur me rezultat 2-0 për vendasit.
Pjesa e parë është mbyllur pa gola, edhe pse Atletico ka mundur të gjendej në disavantazh qysh në këtë fraksion loje sikur Sancet të tregohej i saktë nga pika e bardhë.
Megjithatë golat kanë ardhur në pjesën e dytë.
Guruzeta (51') dhe Williams (64') kanë realizuar për skuadrën e Bilbao.
Në tabelën e kryesuar nga Girona, Atletico Madrid gjendet në vendin e pestë e Athletic Bilbao në të gjashtin.























