Real Madrid fiton nga Atletico Madrid dhe prekë finalen
BKT
Sport

Real Madrid fiton nga Atletico Madrid dhe prekë finalen

Uran Krasniqi / RTKLive

Futbollistët e Real Madrid janë treguar fleksibil në kohën shtesë duke evituar penalltitë dhe duke mundur Atletico Madrid. 

Kësisoji Real Madrid është finalisti i parë i Superkupës së Spanjës.

Kjo pasi e ka mposhtur Atletico Madridin me rezultat 5-3.

Mario Hermoso zhbllokoi rezultatin kur realizoi në minutën e gjashtë për Atleticon.

Dy golat brenda nëntë minutave, Antonio Rudiger, 20’, Ferland Mendy, 29’, bënë që rezultati të përmbysej në 2:1. 

Griezmann barazoi rezultatin në minutën e 37.

Pjesa e parë u mbyll me barazim 2-2.

Antonio Rudiger shënoi një tjetër gol, por kësaj rradhe në portën e gabuar, duke i dhënë Atleticos epërsinë për herën e dytë në minutën e 78-të.

”Drama” në Riad të Arabisë vazhdoi ende, me Carvajal i cili shënoi për 3-3, në minutën e 85-të, duke e çuar ndeshjen në vazhdime.

Real Madridi ishte tejet me fat, pasi Stefan Savic realizoi autogol në minutën e 116-të, për ta kthyer epërsinë në 4-3.

Fitoren e tyre e vulosi Brahim Diaz, që realizoi për 5-3 në minutën e 120+2-të.

Në finale, Real Madridi do të pres fituesin e duelin mes Barcelonës dhe Osasunës.