21:14 / 12.02.2024
Nisin punimet në stadiumin olimpik “Adem Jashari”
Uran Krasniqi / RTKLive
Kanë nisur punimet në stadiumin olimpik “Adem Jashari” në Mitrovicë, ka njoftuar Ministria e Kulturës Rinisë dhe Sportit.
"Kanë nisur punimet në stadiumin olimpik “Adem Jashari” në Mitrovicë. Shpronësimet kanë përfunduar, kushtet e ndërtimit dhe leja ndërtimore janë siguruar, borxhet e akumuluara ndër vite (komunalitë) janë paguar, kontrata me operatorin është zgjatur, zotimi për buxhet është siguruar.
Stadiumi do të jetë i kategorisë 4 sipas standardeve të UEFA-s dhe do të përmbush të gjitha kushtet për ndeshje vendore dhe ndërkombëtare", ka bërë të ditur MKRS.























