21:19 / 12.02.2024
Muja debuton me gol në Turqi
Uran Krasniqi / RTKLive
Arbnor Muja ka debutuar me gol për Samsunspor në Superligën Turke.
Futbollisti mitrovicas ka gjetur rrjetën qysh në ndeshjen e parë. Skuadra e tij në ndeshjen e zhvilluar të hënën ka arritur fitore të rëndësishme 2-0 kundër Antalyaspor.
Muja ka realizuar në minutën e 90+1' pas një asistimi nga Holse, duke vulosur fitoren për ekipin e tij në momentin e fundit të ndeshjes.
Goli i parë për Samsunspor është shënuar nga Marius në minutën e 59-të.
Muja iu bashkua Samsunspor nga klubi belg, Antwerp.























