SHBA, Republikanët pro shkarkimit të Mayorkas
Dardan Ramabaja / RTK
Me një votim 214-213, Dhoma e Përfaqësuesve miratoi dy nene të shkarkimit duke akuzuar Sekretarin e Sigurisë Kombëtare, Alejandro Mayorkas për moszbatimin e ligjeve të emigracionit në SHBA, të cilat republikanët argumentojnë se çuan në flukse rekord emigrantësh përtej kufirit SHBA-Meksikë dhe duke bërë deklarata të rreme në Kongres.
Votimi shënoi vetëm herën e dytë në historinë e SHBA-së, dhe hera e parë në pothuajse 150 vjet, që Dhoma e Përfaqësuesve ka votuar shkarkimin e një anëtari të kabinetit të një presidenti. Zyra e liderit të shumicës demokrate në Senat, Chuck Schumer tha se senatorët do të betohen si anëtarë të jurisë menjëherë pasi të kthehen nga një pushim më 26 shkurt.
Megjithatë, dhoma e udhëhequr nga demokratët ka shumë pak gjasa që të votojë për të hequr Mayorkas nga detyra, pasi ajo duhet të votohet në senatin e kontrolluar nga demokratët. Asnjë demokrat nuk e mbështeti shkarkimin e së martës, ndërsa tre republikanë - Përfaqësuesit Ken Buck, Tom McClintock dhe Mike Gallagher - kundërshtuan partinë e tyre duke votuar kundër. Një republikan i katërt, Blake Moore, kishte votuar gjithashtu "kundër" javën e kaluar. Mayorkas ka thënë se ai nuk mban përgjegjësi për situatën kufitare, duke e fajësuar sistem e keq të emigracionit amerikan që Kongresi nuk ka qenë në gjendje ta rregullojë.
Një numër rekord emigrantësh kanë kaluar ilegalisht kufirin nga Meksika që kur Biden mori detyrën në vitin 2021, ndërsa ish-presidenti Donald Trump e ka thyer problein një fokus kryesor të fushatës së tij kundër Biden.























