19:20 / 15.02.2024
Trepça shkon në finale të Kupës së Kosovës
Uran Krasniqi / RTKLive
Trepça ka arritur në finale të Kupës së Kosovës pas një fitore ndaj Golden Eagle Yllit.
Skuadra mitrovicase ka triumfuar me rezultat 72:59 (22:10, 15:21, 20:11, 15:17).
Një pjesë e madhe e suksesit të Trepçës në këtë ndeshje ishte për shkak të lojtarit Drilon Hajrizi, i cili u shpall MVP i gjysmëfinales. Hajrizi e ka mbyllur ndeshjen me katërmbëdhjetë pikë, tetë kërcime e katër asistime.
Në finalen e Kupës së Kosovës, Trepça do të ballafaqohet me fituesin e ndeshjes mes Sigal Prishtinës dhe Bashkimit.























