08:09 / 22.02.2024
Një tërmet godet Kroacinë, dridhjet e tokës u ndjenë edhe në BeH
Sh.Ç /RTKlive
Një tërmet prej 3.7 shkallë të Rihterit ka goditur në mëngjes Kroacinë, e lëvizjet e tokës janë ndjerë është në Bosnjë e Hercegovinë.
Epiqendra e tërmetit sipas të dhënave të Qendrës evropiane sizmologjike (EMSC) ishte në rajonin e Metkoviqit, në një thellësi prej 6 kilometra.
Tërmeti zgjoi banorët e Neumit dhe Çaplinës në Bosnjë e Hercegovinë.
“E ka shkundur mirë në Metkoviq, më ka zgjuar”, ka shkruar një banor kroat në ueb-faqen e EMSC-së. Ndërkaq dy ditë më parë dy tërmete goditën Bosnjën e Hercegovinën, i pari ishte në mëngjes, ndërsa i dyti vonë pasdite. 























