14:11 / 18.03.2024
Belgjikë: Një polic u qëllua për vdekje, në një shkëmbim zjarri
Muharrem Miftari/RTKlive
Një oficer policie u vra dhe dy u plagosën nga të shtëna gjatë një kontrolli shtëpie në periferi të Charleroi-t, në jug të Belgjikës, të hënën në mëngjes.
Për njërin prej të plagosurve situata cilësohet si kritike, shkruan gazeta L'Avenir, transmeton RTKlive.
I plagosur ka mbetur edhe autori, i cili po trajtohet në spital.
“Mendimet e mia shkojnë te familja dhe të dashurit. Duhet respekt për punën e zbatimit të ligjit, në shërbim të popullatës sonë”, shkruan kryeministri Alexander De Croo në X.
Mungojnë ende informacionet për arsyen e goditjes, e cila u krye nga një forcë speciale e policisë belge.























