Izraeli rinisë sulmet ajrore në Gaza, përgatit ofensivë në Rafah
Luan Qorraj / RTK
Izraeli ka rinisur sulmet ajrore në disa pjesë të Gazas në atë që shihet si para përgatitje për ofenzivën drejtë Rafahut, territorit të fundit në Rripin e Gazës, i cili i ka shpëtuar shkatërrimit total dhe ku tani gjenden më shumë se 1.5 milion civil.
Pas një pushimi disa javor, forcat Izraelite kanë rinisur sulmet ajrore në pjesët e ndryshme të Gazës duke goditur caqe për të cilat Tel-Avivi tha se janë infrastrukturë e Hamasit.
Gjithashtu është njoftuar se Izraeli kreu disa sulme me fluturake pa pilot brenda Rafahut dhe se forcat Izraelite kanë filluar të zhvendosën në atë që besohet të jetë para-përgatitje për ofensivën e pritur drejtë këtij qyteti.
Shtete e Bashkuara si dhe aleatët tjerë perëndimor kanë paralajmëruar Izraelin kudër sulmit drejtë Rafahut pasi që në këtë pjesë të Gazës, të vetmen e cila deri me tani i shpëtoi shkatërrimit total, janë strehuar rreth 1.5 milion civil nga pjesët tjera të territorit , por Tel Avivi ka bërë të ditur se nuk planifikon të ndalon përderisa të gjitha pjesët e gazës nuk janë pastruar nga militantët e Hamasit.
Ndërkohë, shtetet e bashkuara dhe disa vende tjera kërkuan hetime për veprimet e forcave Izraelite gjatë rrethimit të spitaleve pas zbulimit të një varreze me më shumë se 300 trupa në spitalin Al Naser në Khay Younes të rripit të gazës.























