Pesë persona të vrarë në një shtëpi të të moshuarve në Kroaci
BKT
Rajoni dhe Bota

Pesë persona të vrarë në një shtëpi të të moshuarve në Kroaci

REL

Pesë persona u vranë të hënën në Shtëpinë për të moshuar dhe të pafuqishëm në qytetin Daruvar - pjesa qendrore e Kroacisë.

Jozyrtarisht mësohet se një burrë hyri në këtë shtëpi dhe qëlloi me armë zjarri, raporton radion Evropa e Lirë.

Sipas informacioneve fillestare, pesë persona mbetën të vdekur në vendngjarje, ndërsa disa janë ende nën trajtim mjekësor.

Mediat shtojnë se sulmuesi iku nga vendi i ngjarjes, por se u kap shumë shpejt nga policia.

"Personi që është i lidhur me krimin, është nën mbikëqyrjen e policisë. Në vendngjarje do të kryhet një hetim i drejtuar nga zëvendësi i prokurorisë së qarkut Bjellovar", tha policia.

Televizioni rajonal N1 raportoi se sulmuesi është i lindur në vitin 1973, se ka qenë luftëtar në luftën e viteve '90 në Kroaci dhe se është i afërm i njërit prej banorëve në shtëpinë e të moshuarve.

Daruvar është një qytet me banja, me një popullsi prej 8.500 banorësh.


MË SHUME NGA Rajoni dhe Bota