Siri, në përleshje me forcat e reja qeverisëse vriten 14 persona
BKT
Rajoni dhe Bota

Siri, në përleshje me forcat e reja qeverisëse vriten 14 persona

Autoritetet e reja të udhëhequra nga rebelët në Siri, thonë se mbështetësit e presidentit të rrëzuar Bashar al-Assad kanë vrarë 14 persona në një pritë në perëndim të vendit.

Autoritetet e reja siriane thonë se 10 trupa të tjerë u plagosën në luftimet e së martës pranë portit mesdhetar të Tartous, një bastion i sektit mysliman alavit të pakicës së Asadit. Përplasjet me besnikët pro Asadit janë sfida e parë e drejtpërdrejtë ndaj autoritetit të liderit de fakto të Sirisë Ahmad al-Sharaa.

Presidenca e Asadit ra në duart e forcave rebele të udhëhequra nga fraksioni islamik Hayat Tahrir al-Sham, pak më shumë se dy javë më parë.

Forcat e sigurisë filluan një operacion në provincën Tartous të enjten, sipas agjencisë shtetërore të lajmeve Sana, në një përpjekje për të "rikthyer sigurinë, stabilitetin dhe paqen civile".

Raportet thonë se forcat e sigurisë kishin rënë më herët në pritë teksa përpiqeshin të arrestonin një ish-oficer në lidhje me rolin e tij në burgun famëkeq Saydnaya, afër kryeqytetit, Damaskut.

Grupi monitorues me bazë në Mbretërinë e Bashkuar, Observatori Sirian për të Drejtat e Njeriut tha se tre "burra të armatosur", të cilët nuk i identifikoi, u vranë gjithashtu në përleshjet.

Në një zhvillim të veçantë, autoritetet siriane vendosën një shtetrrethim brenda natës në qytetin qendror të Homsit, njoftuan mediat shtetërore. Ish-rebelët tani në krye të Sirisë po përballen me sfidën e sigurimit të sigurisë dhe stabilitetit në të gjithë vendin.

Sirianët po kërkojnë prej tyre për të mbrojtur të drejtat e njerëzve me prejardhje të ndryshme, si dhe për të siguruar drejtësi për ata që humbën të afërmit nën diktaturën e Asadit.

Demonstrata janë raportuar gjithashtu në zonat e dominuara nga alavitët, duke përfshirë qytetet Tartous dhe Latakia, dhe qytetin e Asadit, Qardaha. Alavitët janë një degë e Islamit Shiit, të cilit i përkisnin shumë nga elita politike dhe ushtarake e regjimit të mëparshëm, duke përfshirë familjen e Asadit.

Komuniteti alavit ka frikë nga hakmarrja, me anëtarët që fajësohen për torturat dhe vrasjet në Siri nën Asad.


MË SHUME NGA Rajoni dhe Bota