Napoli fiton dhe merr kreun e Serie A
Uran Krasniqi / RTKLive
Napoli ka shënuar një fitore të lehtë 3-0 ndaj Fiorentina në ndeshjen e zhvilluar në kuadër të Javës së nëntëmbëdhjetë në Serie A.
Me këtë rezultat, skuadra e trajnerit Antonio Conte ngjitet në krye të tabelës me dyzet e katër pikë, ndërsa Fiorentina gjendet në vendin e gjashtë me tridhjetë e dy pikë.
David Neres e ka zhbllokuar rezultatin për Napolin në minutën e njëzet e nëntë, duke e vënë skuadrën mike në epërsi.
Fiorentina ka pasur një mundësi për ta barazuar rezultatin në minutën e tridhjetë e pestë me Kean, por goli i tij është anuluar pas rishikimit nga VAR.
Pjesa e parë është mbyllur me epërsinë minimale të Napolit, por skuadra e Conte e ka nisur pjesën e dytë me intensitet të lartë. Romelu Lukaku e ka dyfishuar avantazhin nga pika e penalltisë, duke e vështirësuar më tej situatën për vendasit.
Fitorja është vulosur në minutën e gjashtëdhjetë e tetë, kur Scott McTominay ka shënuar golin e tretë për Napolin, duke e siguruar fitoren bindëse.























