Tërmet i fuqishëm në Mianmar, lëkundjet ndihen edhe në Tajlandë
BKT
Rajoni dhe Bota

Tërmet i fuqishëm në Mianmar, lëkundjet ndihen edhe në Tajlandë

Sh.Ç|RTKlive

Një tërmet i fuqishëm me magnitudë 7.7 ballë të shkallës Rihter goditi Mianmarin mëngjesin e sotëm.

Qindra njerëz në kryeqytetin tajlandez Bangkok dolën me shpejtësi nga ndërtesat në panik, pasi ndjenë dridhjen e tokës, raporton Reuters.

Sipas Shërbimit Gjeologjik të Shteteve të Bashkuara (USGS), epiqendra ishte rreth 17.2 kilometra nga qyteti i Mandalay, i cili ka një popullsi prej rreth 1.2 milionë banorë.

Lëkundjet e forta janë ndjerë deri në Tajlandë, ndërsa shkaktuan panik te qytetarët të cilët kanë lënë menjëherë banesat e kanë dalë në rrugë.

Raportohet se tërmeti në Mianmar ndodhi në një thellësi fokale prej 10 kilometrash, njoftoi Qendra Gjermane Kërkimore për Gjeoshkencat (GFZ).

mediat e huaja raportojnë se tërmeti u pasua nga një tjetër lëkundje e fortë toke me magnitudë 6.4 të shkallës rihter.

Fill pas këtyre goditjeve, kryeministri i Tajlandës thirri një mbledhje urgjente për të vlerësuar situatën. 

Deri në këto momente nuk dihet nëse ka pasoja në njerëz apo dëme të konsiderueshme në banesa.


MË SHUME NGA Rajoni dhe Bota